Bugungi kunda Navro‘z mahalla fuqarolar yig‘inida Aholi va qishloq xo‘jaligini ro‘yxatga olish tadbirlari faol bosqichda olib borilmoqda. Ushbu muhim jarayonni sifatli va to‘liq o‘tkazish maqsadida aholi o‘rtasida keng tushuntirish va targ‘ibot ishlari yo‘lga qo‘yilgan.

Xalq deputatlari Pastdarg‘om tuman Kengashi deputati M.Pardayev tomonidan fuqarolar bilan uchrashuvlar davomida ro‘yxatga olishning ahamiyati, unda faol ishtirok etish zarurligi, berilayotgan ma’lumotlarning kelajakdagi ijtimoiy-iqtisodiy rejalashtirishda muhim o‘rin tutishi haqida batafsil ma’lumotlar berilmoqda.

Targ‘ibot ishlarini tashkil etishda va aholi bilan samarali muloqot o‘rnatishda M. Pardaev faol ko‘maklashmoqda. Fuqarolarning savollariga aniqlik kiritilib, ro‘yxatdan o‘tish tartibi yuzasidan tushuntirishlar berilmoqda.

Mazkur jarayon har bir xonadon, har bir fuqaroning ishtirokini talab etadi. Aniq ma’lumot — hudud ravnaqi va kelgusi rivojlanish dasturlarining asosidir.