QIZILTEPA TUMANIDA “YASHIL MAKON” UMUMMILLIY LOYIHASI DOIRASIDA MANZARALI KO‘CHAT EKISH ISHLARI AMALGA OSHIRILIB KELINMOQDA

O‘zbekiston Respublikasi Prezidentining 2023-yil 23-noyabrdagi “Respublikada yashillik darajasini yanada oshirish, “Yashil makon” umumilliy loyihasini izchil amalga oshirish orqali ekologik barqarorlikni ta’minlash chora-tadbirlari to‘g‘risida” PF-199-son Farmoni ijrosi yuzasidan tumandagi "Malikobod” MFY hududida 50 gektarli yangi maydonda 80 mingga yaqin iqlim sharoitiga mos manzarali daraxt ko‘chatlari ekishda tuman korxona va tashkilotlari, nuroniylar, yoshlar, tuman Kengashi deputatlari hamda tuman "Obodonlashtirish" boshqarmasi ishchi-xodimlari ishtirok etishdi.

Tumanda yangi manzillarda "Yashil makon"lar barpo etish maqsadida o'tkazilgan ko‘chatlarni sug‘orish tizimi ham yo‘lga qo‘yilmoqda.

Umuman olganda tumanda "Yashil makon" dasturining 2025-yil bahorgi mavsumida 1 million 280 mingta ko‘chatlar ekilishi rejalashtirilgan.