Xalq deputatlari Chilonzor tumani Kengashi deputati Tug‘anbekov Oybek Bahrombekovich tomonidan tumanda faoliyat yuritayotgan tadbirkorlik subyektlariga tashrif amalga oshirilib, korxona va tashkilotlarda yaratilgan sharoitlar o‘rganildi.
O‘rganish davomida, avvalo, aholini ish bilan ta’minlash, yangi ish o‘rinlari yaratish, xodimlarning mehnat sharoitlari, mehnatni muhofaza qilish talablari hamda ishchi-xodimlarning huquq va manfaatlarini ta’minlash masalalariga e’tibor qaratildi.
Shuningdek, tadbirkorlik subyektlarining mavjud imkoniyatlari, ishlab chiqarish va xizmat ko‘rsatish yo‘nalishlarini kengaytirish, qo‘shimcha ish o‘rinlari yaratish hamda hududdagi bandlik masalalarini hal etishdagi o‘rni yuzasidan fikr almashildi.
Deputat tomonidan tadbirkorlar bilan muloqot davomida mavjud muammolar va ularni bartaraf etish bo‘yicha takliflar tinglandi. Aniqlangan masalalarni tegishli tashkilotlar bilan hamkorlikda hal etish, tadbirkorlik faoliyatini qo‘llab-quvvatlash va yangi ish o‘rinlarini ko‘paytirish bo‘yicha tegishli tavsiyalar berildi.