O‘zLiDeP Mirzo Ulug‘bek tumani Kengashi tomonidan O‘zbekiston Respublikasi Oliy Majlisi Qonunchilik palatasi deputati Zahidov Erkin Agzamovich ishtirokida tumandagi “Podshobog‘” mahalla fuqarolar yig‘inida “mahalla yettiligi” va fuqarolar bilan ochiq muloqot tashkil etildi.

Uchrashuv davomida O‘zLiDeP ning dasturiy maqsad va vazifalari, yurtimizda amalga oshirilayotgan keng ko‘lamli islohotlar, mahallalarni rivojlantirish, aholi bandligini ta’minlash, tadbirkorlikni qo‘llab-quvvatlash hamda aholi farovonligini oshirishga qaratilgan ishlar xususida suhbat o‘tkazildi.

Shuningdek, fuqarolarni qiynayotgan dolzarb masalalar yuzasidan fikr va takliflar tinglanib, murojaatlar bo‘yicha amaliy choralar ko‘rish yuzasidan tegishli tavsiyalar berildi.

Bunday uchrashuvlar partiyaning xalq bilan muloqotini yanada mustahkamlash, fuqarolarning fikri va tashabbuslarini qo‘llab-quvvatlash hamda hududlardagi dolzarb masalalarni o‘z vaqtida hal etishga xizmat qiladi.