📌 “Yoshlik” mahallasida o‘rganish ishlari olib borildi

Belgilangan reja-grafikka muvofiq, Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Diyyorbek Toyirov tomonidan Navoiy shahridagi “Yoshlik” mahalla fuqarolar yig‘inida O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli qarori ijrosi yuzasidan o‘rganish ishlari olib borildi.

O‘rganish davomida mahallada mazkur qaror asosida amalga oshirilayotgan ishlar, aholi bilan ishlash tizimi, mavjud muammolar hamda ularni bartaraf etish bo‘yicha ko‘rilayotgan choralar holati o‘rganildi.

Shuningdek, mahalla faollari va fuqarolar bilan uchrashuv o‘tkazilib, hududdagi dolzarb masalalar, aholini qiynayotgan muammolar hamda ularni hal etish yuzasidan takliflar tinglandi.

O‘rganish yakunlari bo‘yicha aniqlangan masalalarni bartaraf etish, belgilangan vazifalar ijrosini ta’minlash hamda mahallada ijtimoiy barqarorlikni mustahkamlash yuzasidan tegishli tavsiyalar berildi.