Aholi muammolarini tinglash va ularga tezkorlik bilan yechim topish maqsadida Xalq deputatlari Olmaliq shahar Kengashi deputati, shahar hokimi Qobil Xamdamovning navbatdagi fuqarolar qabuli bo‘lib o‘tdi.

👥 Qabulda ishtirok etdilar:
Kengash Kotibiyati mudiri Sevara Qodirova;
Shahar hokimi o'rinbosarlari;
Shahardagi korxona va tashkilotlarning mas’ul rahbarlari.

📊Qabul davomida fuqarolardan kadastr hujjatlarini rasmiylashtirish, ichki yo‘l va trotuarlarni ta’mirlash, uy-joy hamda kommunal xizmatlar sohasiga oid jami 12 ta murojaat kelib tushdi.

✅ Natijalar:
5 ta murojaat: Mutasaddi rahbarlar ishtirokida atroflicha ko‘rib chiqilib, joyida hal etildi.
7 ta murojaat: Qo‘shimcha o‘rganish va vaqt talab etganligi sababli, qat’iy nazoratga olingan holda tegishli tashkilot rahbarlariga ijro uchun yo‘naltirildi.

Maqsadimiz — xalq bilan muloqotni kuchaytirish va har bir murojaat ortida turgan inson taqdiriga mas’uliyat bilan yondashishdir.