Xalq deputatlari Xorazm viloyati Kengashining 2026-yil 31-martdagi VII-20-37-12-0-K/26-son qaroriga muvofiq, Shovot tumanida "Yangi Oʻzbekiston qiyofasi" dasturi doirasida amalga oshirilayotgan infratuzilma loyihalarining ijrosi yuzasidan monitoring o‘tkazildi.
Monitoring Xalq deputatlari Shovot tumani Kengashi kotibiyati mudiri, 24-Gulshan saylov okrugi deputati Masharipov Izzat Masharipovich hamda 1-Komiljon Otaniyozov saylov okrugi deputati deputati Kariyev Mansur Omongaldiyevich tomonidan amalga oshirildi.
Monitoring davomida "Yangiobod" MFY hududidagi M. Sapayev va Yangiobod ko‘chalarining 1,6 kilometr qismida olib borilayotgan asfaltlash ishlari ko‘zdan kechirilib, qurilish jarayonining sifati va belgilangan muddatlarda bajarilishi yuzasidan nazorat olib borildi.
Mahallalarda amalga oshirilayotgan bunyodkorlik va obodonlashtirish ishlari yo‘l infratuzilmasini yaxshilash, fuqarolar uchun qulay sharoit yaratish hamda hududning yanada obod va zamonaviy qiyofa kasb etishiga xizmat qilmoqda.
Yurtimiz ravnaqi, mahallalar obodligi va xalq farovonligi yo‘lidagi ishlar izchil davom etmoqda.