Xalq deputatlari Shovot tumani Kengashining 11-Istiqbol saylov okrugi deputati Dosova Gulxumar Quranbayevna tomonidan AT “Agrobank”ning Shovot filialida O‘zbekiston Respublikasining 2019-yil 5-noyabrdagi “Banklar va bank faoliyati to‘g‘risida”gi O‘RQ-580-son Qonuni mazmun-mohiyatiga bag‘ishlangan targ‘ibot uchrashuvi o‘tkazildi.
📋 Uchrashuv davomida mazkur Qonunning asosiy maqsadi va vazifalari, bank tizimida amalga oshirilayotgan islohotlar, bank xizmatlarining ochiqligi va shaffofligini ta’minlash, mijozlarning huquq va manfaatlarini himoya qilish hamda aholining moliyaviy savodxonligini oshirish masalalari yuzasidan batafsil ma’lumot berildi.
👥 Tadbirda Xalq deputatlari Shovot tumani Kengashi deputati Nurjanova Matluba Odamboyevna hamda Kengash kotibiyati xodimi Ro‘zmetov Umrbek Shavkatovich ishtirok etdi.
✅ Uchrashuv yakunida qonun hujjatlari ijrosini ta’minlash, fuqarolarning bank xizmatlaridan samarali foydalanishini qo‘llab-quvvatlash hamda bu boradagi targ‘ibot ishlarini izchil davom ettirish yuzasidan fikr va takliflar bildirildi.