QAROR IJROSI – DEPUTATLIK NAZORATIDA

Xalq deputatlari Pastdarg‘om tumani Kengashi deputatlari tomonidan O‘zbekiston Respublikasi Vazirlar Mahkamasining 2026-yil 20-fevraldagi 72-son qarori ijrosi yuzasidan tumandagi davlat organlari va tashkilotlarida ijro intizomiga mas’ul xodimlarning malakasini oshirish tizimi o‘rganilmoqda.

Deputatlik nazorati davomida ijro intizomiga mas’ul xodimlarning malaka oshirish kurslarida ishtiroki, Ijro.gov.uz tizimidan samarali foydalanilishi bo‘yicha amalga oshirilayotgan ishlar tahlil qilinmoqda.

Shuningdek, davlat organlari va tashkilotlarida hujjatlar ijrosini o‘z vaqtida ta’minlash, mas’ul xodimlarning kasbiy salohiyatini oshirish, aniqlangan kamchiliklarni bartaraf etish hamda ijro intizomini yanada kuchaytirish yuzasidan mas’ullarga tegishli savollar berilib, taklif va tavsiya bildirildi.