Xalq deputatlari Bekobod tumani Kengashiga Oʻzbekiston "Adolat" sotsial-demokratik partiyasidan saylangan deputat S.Shokirova Bekobod tumanining Bunyodkor mahallasida "Mustaqillik toʻyi" festivali doirasida tashkil etilgan ma'naviy-ma'rifiy tadbirda ishtirok etdi.

Tadbirda Respublika Ma'naviyat va ma'rifat markazining Bekobod tumani bo‘linmasi rahbari N. Jalilov soʻzga chiqib, yurtimiz mustaqilligining beqiyos tarixiy ahamiyati, milliy qadriyatlarimizni asrab-avaylash, ularni kelajak avlodga yetkazish hamda yoshlarni Vatanga sadoqat va yuksak ma'naviyat ruhida tarbiyalash masalalari yuzasidan mazmunli ma'ruza qildi.

Bunday ma'naviy-ma'rifiy tadbirlar xalqimizni ezgu qadriyatlar atrofida birlashtirish, mustaqillik ne'matini qadrlash va yoshlar qalbida vatanparvarlik tuyg‘ularini yanada mustahkamlashga xizmat qiladi.

✨ Mustaqillik — eng ulugʻ ne'mat, uni qadrlash barchamizning burchimiz!