Xalq deputatlari Rishton tumani Kengashining "Korrupsiyaga qarshi kurashish va xavfsizlik masalalari bo‘yicha" doimiy komissiyasi raisi B. Ermatov, tuman Kengashi kotibiyati bosh mutaxassisi S. Boboyev, "Xojiqishloq" MFY xokim yordamchisi A.Boltaboyev hamda doimiy komissiyaga biriktirilgan mas'ul tashkilot vakillari ishtirokida Aksiyadorlik tijorat "Xalq banki" Rishton bank xizmatlari markazida o‘rganish o‘tkazildi.

🔹 O‘rganish davomida bank tomonidan jismoniy va yuridik shaxslarga ko‘rsatilayotgan xizmatlar sifati, aholidan kelib tushgan murojaatlarni ko‘rib chiqish holati, ularning ijrosi, tadbirkorlik subyektlariga ajratilayotgan imtiyozli kreditlarning qonuniyligi, shaffofligi hamda maqsadli yo‘naltirilishi yuzasidan tahlillar amalga oshirildi.

📋 Shuningdek, murojaatlar bilan ishlash tizimini takomillashtirish, korrupsion holatlarning oldini olish va aholiga ko‘rsatilayotgan bank xizmatlari sifatini yanada oshirish bo‘yicha mas'ullarga tegishli tavsiya va ko‘rsatmalar berildi.