#Deputatlik_nazorati #Kotibiyat_hududlarda #24_ta_tavsiyaviy_savol

Yo‘l infratuzilmasi va harakat xavfsizligi masalalari deputat nazoratiga olindi

🇺🇿 Xalq deputatlari Uchtepa tumani Kengashiga O'zbekiston XDPdan saylangan "25–Qo‘rg‘on okrugi deputati Xamitova Galina Gennadiyevna tomonidan Tepaqo‘rg‘on mahallasida yo‘l infratuzilmasi va harakat xavfsizligi masalalari o‘rganildi.

📁 O‘rganish Uchtepa tumani Kengashi deputatlarining 24 talik tavsiyalari asosida amalga oshirilib, mahalla ichki ko‘cha yo‘llari holati, ko‘chalarning tungi yoritilishi, avtomobil yo‘llaridagi tirbandliklar hamda yo‘l-transport hodisalarining oldini olish bo‘yicha amalga oshirilayotgan ishlar ko‘rib chiqildi.

📈 O‘rganish davomida Eshonbobo osh markazi oldidagi avtomobil yo‘lagining ayrim qismiga taqiqlovchi belgi o‘rnatish, Zargarlik ko‘chasi 59-uy oldidan Chilonzor tumani 18-mavzesiga o‘tish yo‘nalishidagi piyodalar yo‘lagiga svetofor moslamasi o‘rnatish hamda Shirin okrugidagi “Korzinka” supermarketi tomonga olib boruvchi piyodalar yo‘lagini ta’mirlash yuzasidan fuqarolar murojaatlari o‘rganildi.

📝 Aniqlangan masalalarni hal etish maqsadida tegishli tashkilotlarga deputatlik so‘rovi yuborish belgilandi. Mazkur masalalar deputatlik nazoratiga olinib, ijrosi yuzasidan tegishli choralar ko‘rilishi ta’minlanadi.