Xalq deputatlari Shirin shahar Kengashi Deputati M.Salimova tomonidan Shahar hokimi o‘rinbosari F.Alimov nomiga deputat so‘rovi yuborildi.

✅Bunyodkor mahallasi hududida istiqomat qiluvchi fuqarolar bilan o‘tkazilgan uchrashuvlar hamda ularning murojaatlarini o‘rganish jarayonida, shuningdek, Shirin shahar sport maktabi faoliyatini joyiga chiqqan holda o‘rganish davomida muassasaning moddiy-texnik bazasi, sportchi yoshlar uchun yaratilgan sharoitlar hamda mashg‘ulotlarning tashkil etilishi holati ko‘zdan kechirildi.

➡️O‘rganishlar davomida sport zalida foydalanilayotgan konditsioner nosoz holatda ekani aniqlandi. Mazkur holat yozning issiq kunlarida mashg‘ulotlar olib borayotgan sportchi yoshlar uchun noqulay sharoit yuzaga keltirayotgani, shuningdek, ularning salomatligi va mashg‘ulotlarning sifatli tashkil etilishiga salbiy ta’sir ko‘rsatishi mumkinligi qayd etildi.

📌Shu munosabat bilan “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalariga asosan deputat so‘rovi yuborilib, sport maktabi sport zalidagi nosoz konditsioner holatini atroflicha o‘rganish, uni ta’mirlash yoki texnik xulosaga ko‘ra yangisiga almashtirish choralarini ko‘rish hamda sportchi yoshlar uchun sanitariya-gigiyena talablariga javob beradigan qulay mashg‘ulot sharoitlarini yaratish yuzasidan zarur amaliy tadbirlarni amalga oshirish so‘raldi.

Yoshlarning sport bilan muntazam shug‘ullanishi uchun munosib sharoitlar yaratish, ularning salomatligini muhofaza qilish hamda sport inshootlarining moddiy-texnik bazasini yaxshilash deputatlik faoliyatining ustuvor yo‘nalishlaridan biri bo‘lib qoladi.

Xalq deputatlari Shirin shahar Kengashi