Xalq deputatlari Andijon shahar Kengashi deputati Avazbek Appaqov “O‘zbegim” MFY hududida joylashgan “Muz saroyi”da bo‘lib, “Dolzarb 90 kun” dasturi doirasida amalga oshirilayotgan ishlar bilan tanishdi.

Tashrif davomida yozgi ta'til davrida bolalar va yoshlarning bo‘sh vaqtini mazmunli tashkil etish, ularni sport to‘garaklariga keng jalb etish hamda sog‘lom turmush tarzini targ‘ib etish borasida olib borilayotgan ishlar ko‘zdan kechirildi.

Shuningdek, “Muz saroyi”da tashrif buyuruvchilar, ayniqsa bolalar va yoshlar uchun yaratilgan shart-sharoitlar, mashg‘ulotlarning tashkil etilishi hamda dam olish jarayonlari bilan yaqindan tanishildi.

Mazkur yo‘nalishdagi ishlar “Dolzarb 90 kun” dasturi doirasida deputatlik nazorati asosida muntazam o‘rganib borilmoqda.