Xalq deputatlari Ko‘kdala tuman Kengashi 1-“Torjilg‘a” saylov okrugi deputati E.Umirzoqov tomonidan mahallada yoshlar bilan ishlash tizimi, amalga oshirilayotgan tadbirlar samaradorligi hamda yoshlar bandligi holatini o‘rganish yuzasidan amaliy monitoring olib borildi.

O‘rganish jarayonida Torjilg‘a mahalla fuqarolar yig‘inidagi yoshlar yetakchisi tomonidan yoshlarning bo‘sh vaqtini mazmunli tashkil etish, ularni kasb-hunarga yo‘naltirish, bandligini ta’minlash hamda ijtimoiy faolligini oshirish borasida amalga oshirilayotgan ishlar bilan yaqindan tanishildi.

Shuningdek, yoshlar bilan ochiq muloqot o‘tkazilib, ularning taklif va tashabbuslari tinglandi. Bandlik, ta’lim va tadbirkorlikka oid murojaatlar yuzasidan tegishli tavsiya va ko‘rsatmalar berildi.

Yoshlar — yurt kelajagi. Ularning manfaatlarini himoya qilish, imkoniyatlarini kengaytirish va hayotda o‘z o‘rnini topishiga ko‘maklashish har bir mas’ulning ustuvor vazifasidir.