Yig‘ilishda deputat G‘.Madumarovga biriktirilgan O‘zbekiston Respublikasining 2009-yil 30-sentabrdagi O‘RQ-226-son “Yong‘in xavfsizligi to‘g‘risida”gi Qonunining mazmun-mohiyati hamda uning bugungi kundagi ijrosi shuningdek saylov okrugidagi Xoʻjaporso MFYda oʻrganishalar olib borganligi atroflicha muhokama qilindi.

Muhokamalar davomida mazkur Qonunning asosiy maqsadi yong‘in xavfsizligi sohasidagi munosabatlarni huquqiy jihatdan tartibga solish, fuqarolarning hayoti va sog‘lig‘ini, yuridik hamda jismoniy shaxslarning mol-mulkini, shuningdek atrof-muhitni yong‘inlardan ishonchli himoya qilishga qaratilgani alohida ta’kidlandi.

Shuningdek, yong‘inlarning oldini olish, profilaktik tadbirlarni kuchaytirish, yong‘in xavfsizligi talablariga qat’iy rioya etish, mas’ul tashkilotlar faoliyati samaradorligini oshirish hamda aholining bu boradagi huquqiy madaniyatini yuksaltirish masalalari yuzasidan fikr almashildi.

Doimiy komissiya a’zolari tomonidan qonun ijrosini ta’minlash, hududlarda yong‘in xavfsizligi talablariga rioya etilishi ustidan jamoatchilik va deputatlik nazoratini yanada kuchaytirish, mavjud muammolarni o‘z vaqtida aniqlab, ularni bartaraf etish bo‘yicha tegishli tavsiya va takliflar bildirildi.

Yig‘ilish yakunida “Yong‘in xavfsizligi to‘g‘risida”gi Qonun ijrosini izchil ta’minlash, profilaktik ishlarni yanada samarali tashkil etish hamda mas’ul idoralar bilan hamkorlikni mustahkamlash yuzasidan tegishli vazifalar belgilab olindi.