Xalq deputatlari Pastdarg‘om tuman Kengashining navbatdagi sessiyasi kun tartibiga kiritilgan masalalar doirasida mahallalar va ta’lim muassasalarida yoshlarning yozgi ta’til davrini mazmunli va samarali tashkil etishga qaratilgan “Dolzarb 90 kun” amaliy tadbirlari ijrosi deputatlar tomonidan joylarda o‘rganilmoqda.

Jumladan, deputat F. Islomova tumandagi 51-sonli umumiy o‘rta ta’lim maktabida tashkil etilgan kitob taqdimoti tadbirida ishtirok etdi.

Tadbir davomida o‘quvchilarga turli badiiy va ma’rifiy asarlar tanishtirilib, kitobxonlikning ahamiyati, mutolaaning inson ma’naviy kamolotidagi o‘rni haqida fikr-mulohazalar bildirildi.

Mazkur kitob taqdimoti o‘quvchilarda kitobga bo‘lgan qiziqishni oshirish, ularni muntazam mutolaaga jalb etish hamda ma’naviy dunyoqarashini kengaytirishga xizmat qilishi ta’kidlandi.