Xalq deputatlari Qo‘qon shahar Kengashi deputati M.Yunusov tomonidan "Noib ko‘prigi" mahalla fuqarolar yig‘inida xotin-qizlar faoli U.Mansurovaning O‘zbekiston Respublikasining 2019-yil 2-sentabrdagi O‘RQ-561-sonli "Xotin-qizlarni tazyiq va zo‘ravonlikdan himoya qilish to‘g‘risida"gi Qonuni ijrosi yuzasidan olib borayotgan ishlari o‘rganildi.

O‘rganish davomida xotin-qizlar faoli tomonidan Qonun talablarini amalda ta’minlash borasida amalga oshirilgan ishlar tahlil qilinib, 2 nafar ajrim yoqasidagi oila yarashtirilgani, 5 nafar xotin-qizga profilaktika inspektori tomonidan himoya orderi rasmiylashtirilgani hamda uzoq muddat xorijda bo‘lgan 5 nafar xotin-qizning Vatanga qaytishiga ko‘maklashilgani ma’lum qilindi.

Shuningdek, xotin-qizlarni ijtimoiy va huquqiy qo‘llab-quvvatlash, oilalarda sog‘lom ma’naviy muhitni mustahkamlash, tazyiq va zo‘ravonlikning oldini olish, himoya orderlarini rasmiylashtirish tartibi hamda ehtiyojmand xotin-qizlarga ko‘rsatilayotgan xizmatlar samaradorligini yanada oshirish masalalari yuzasidan fikr almashildi.

Uchrashuv va o‘rganish jarayonida Xalq deputatlari Qo‘qon shahar Kengashi kotibiyati bosh mutaxassislari X.Abdullayev hamda A.Adhamov tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi