O‘zLiDeP Mirzo Ulug‘bek tumani Kengashi tomonidan Partiyaning saylovoldi dasturida belgilangan vazifalardan kelib chiqqan holda “Inson qadri va farovonligini ta’minlash yo‘lida muhim qadamlar” mavzusida yoshlar ishtirokida davra suhbati tashkil etildi. Tadbirda mamlakatimizda amalga oshirilayotgan keng ko‘lamli islohotlar, yoshlarga yaratilayotgan imkoniyatlar hamda siyosiy sohada olib borilayotgan ishlar haqida atroflicha fikr almashildi.

Muloqot davomida partiyaning maqsad va vazifalari, aholi, ayniqsa yoshlarning jamiyat hayotidagi faolligini oshirish borasidagi tashabbuslari haqida ma’lumot berildi.

Shuningdek, yoshlar bilan savol javoblar o‘tkazilib, ular tomonidan bildirilgan taklif va fikrlari tinglandi.

Tadbirda mamlakat taraqqiyotida yoshlarning o‘rni va mas’uliyati muhim ekanligi  alohida ta’kidlandi.