Xalq deputatlari Marg‘ilon shahar Kengashi kotibiyatida Kengash raisi O.Axmatshayev raisligida navbatdagi ishchi yig‘ilish bo‘lib o‘tdi. Unda hafta davomida amalga oshirilgan ishlar sarhisob qilinib, kelgusidagi ustuvor vazifalar muhokama qilindi. Shuningdek, Xalq deputatlari Marg‘ilon shahar Kengashining yigirma to‘qqizinchi sessiyasi yakunlari ham tahlil etildi.

Yig‘ilish davomida deputatlar tomonidan hududlarda olib borilgan o‘rganishlar, deputatlik nazorati tadbirlari, fuqarolar murojaatlari bilan ishlash holati hamda sessiyada qabul qilingan qarorlar ijrosini samarali tashkil etish masalalariga alohida e'tibor qaratildi.

Yig‘ilish yakunida deputatlik nazoratini yanada kuchaytirish, sessiyada belgilangan vazifalar ijrosini ta'minlash, fuqarolar murojaatlarini o‘z vaqtida ko‘rib chiqish, saylov okruglarida uchrashuvlarni davom ettirish hamda kelgusi haftada amalga oshiriladigan tadbirlar bo‘yicha mas'ullarga tegishli topshiriqlar berildi.