Narpay tumanida saylovchilar bilan navbatdagi uchrashuvlar bo‘lib o‘tdi

✍️Xalq deputatlari viloyat Kengashi deputatlari tomonidan Narpay tumanidagi saylovchilar bilan navbatdagi uchrashuvlar o‘tkazildi.

🇺🇿Tadbirda 34-Oqtosh saylov okrugi deputati Mavlon Boboxonov, 31-Saroyqo‘rg‘on saylov okrugi deputati Nargiza Yarmuxamedova  Narpay tumani aholisi va jamoatchilik faollari bilan fikr almashdilar.

✅Uchrashuvda Narpay tuman hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Samariddin Dagarov ishtirok etdi.

💠Munozaralar davomida hududdagi ijtimoiy-ma’naviy muhit. aholini qiynayotgan dolzarb muammolar, yoshlar tarbiyasi va xotin-qizlarni qo‘llab-quvvatlash masalalari, obodonlashtirish ishlarining amaldagi holati chuqur muhokama qilindi.

💠Tuman faollari tomonidan mavjud kamchiliklar va ularni bartaraf etish yuzasidan aniq taklif hamda mulohazalar bildirildi.

💠O‘z navbatida, deputatlar tomonidan tuman faollari bilan hamkorlikni yanada kuchaytirish, aholi muammolarini joyida hal etish, yoshlar va xotin-qizlar bilan ishlash tizimini takomillashtirish bo‘yicha tegishli vazifalar belgilab olindi.

⚡️Shuningdek, uchrashuvda viloyat Kengashining navbatdagi sessiyasi kun tartibiga kiritilgan masalalar bo‘yicha muammolar aniqlanib, ularni hal etish yo‘llari yuzasidan ham fikr almashildi.