O‘zbekiston yoshlarining xalqaro maydondagi navbatdagi muvaffaqiyati mamlakatimiz ilm-fan salohiyati tobora yuksalayotganini yana bir bor namoyon etdi. Xalqaro kimyo olimpiadasida yurtimiz sharafini munosib himoya qilgan o‘zbekistonlik o‘quvchilar 4 ta medalni qo‘lga kiritib, yuksak natijaga erishdilar.
📌Mazkur muvaffaqiyat yoshlarning bilim va salohiyatini qo‘llab-quvvatlash, sifatli ta’limni rivojlantirish hamda iqtidorli o‘quvchilarni rag‘batlantirish borasida amalga oshirilayotgan islohotlarning amaliy samarasidir.
📌An’anaga muvofiq, olimpiada sovrindorlari O‘zbekiston hukumati tomonidan munosib rag‘batlantiriladi. G‘oliblarga medal darajasiga qarab 412 million so‘mdan 1 milliard 30 million so‘mgacha bo‘lgan pul mukofotlari topshiriladi.
📌Yosh kimyogarlarning ushbu yutug‘i nafaqat ularning shaxsiy muvaffaqiyati, balki O‘zbekiston ta’lim tizimi va ilm-fanining xalqaro maydondagi nufuzini yanada mustahkamlashga xizmat qiladigan muhim natija bo‘ldi.