Xalq deputatlari Jondor tumani Kengashi raisi L. Behbudova hamda Davlat xizmatchilari kasaba uyushmasi tuman kengashi raisi U. Akramov tashabbusi bilan Jondor tumanidan bir guruh yoshlar Romitan tumanida joylashgan bolalar sog‘lomlashtirish oromgohiga yuborildi.
🔹Yoshlarning yozgi ta’tilini mazmunli tashkil etish, ularning sog‘ligini mustahkamlash, bo‘sh vaqtini samarali o‘tkazish hamda intellektual va ma’naviy salohiyatini yuksaltirish maqsadida tashkil etilgan dam olish jarayoni 12 kunlik tasdiqlangan dastur asosida amalga oshiriladi.
🔹Dastur doirasida ishtirokchilar uchun sport musobaqalari, ma’naviy-ma’rifiy tadbirlar, kitobxonlik kechalari, qiziqarli tanlovlar, ekskursiyalar va turli madaniy-ma’rifiy mashg‘ulotlar tashkil etilishi rejalashtirilgan.
🔹Bunday ezgu tashabbuslar yoshlarning jismoniy va ma’naviy kamolotiga xizmat qilish, ular o‘rtasida sog‘lom turmush tarzini targ‘ib etish hamda Vatanga muhabbat, jamoada ishlash va do‘stlik kabi yuksak qadriyatlarni mustahkamlashda muhim ahamiyat kasb etadi.