O‘rganish davomida oshxonalarning ishlab chiqarish va xizmat ko‘rsatish xonalari, oziq-ovqat mahsulotlarini saqlash sharoitlari, xodimlarning sanitariya qoidalariga amal qilishi, oshxona jihozlarining holati hamda iste'molchilar uchun yaratilgan shart-sharoitlar ko‘zdan kechirildi.

Shuningdek, sanitariya-gigiyena me'yorlariga qat'iy rioya etish, oziq-ovqat mahsulotlarining sifati va xavfsizligini ta'minlash, tozalikni doimiy nazoratda saqlash hamda aholiga sifatli xizmat ko‘rsatish masalalari yuzasidan mas'ullar bilan fikr almashildi.

Deputat tomonidan aholining salomatligini muhofaza qilishda umumiy ovqatlanish shoxobchalarida sanitariya talablariga qat'iy amal qilish muhim ahamiyat kasb etishi, aniqlangan kamchiliklarni o‘z vaqtida bartaraf etish va xizmat ko‘rsatish sifatini yanada oshirish yuzasidan tegishli tavsiyalar berildi.

Hududlarda bunday o‘rganishlarni muntazam tashkil etish sanitariya madaniyatini yuksaltirish, oziq-ovqat xavfsizligini ta'minlash hamda aholiga ko‘rsatilayotgan xizmatlar sifatini oshirishga xizmat qiladi.

️ Xalq deputatlari Samarqand shahar Kengashi