Xalq deputatlari tuman Kengashi raisi X.Raximov rahbarligida doimiy komissiya raislari ishtirokida yig‘ilish o‘tkazildi. Yig‘ilishda O‘zbekiston Respublikasida qabul qilingan qonunlar va Hukumat qarorlarining mazmun-mohiyatini aholiga keng tushuntirish, ularning ijrosini ta’minlash hamda huquqiy ong va huquqiy madaniyatni yuksaltirish masalalari atroflicha muhokama qilindi. Xususan, deputatlarga biriktirilgan 162 ta qonun va Hukumat qarorlarining mazmun-mohiyatini mahallalarda keng targ‘ib qilish,
fuqarolarga ularning ahamiyatini sodda va tushunarli tarzda yetkazish, aholini qiziqtirayotgan savollarga huquqiy asoslangan javoblar berish bo‘yicha aniq vazifalar belgilab olindi. Ta’kidlanganidek, mahallalarda o‘tkaziladigan uchrashuvlar, davra suhbatlari va ochiq muloqotlar orqali qabul qilinayotgan qonun hujjatlarining mazmun-mohiyatini keng jamoatchilikka yetkazish, ularning hayotdagi amaliy ahamiyatini tushuntirish deputatlarning muhim vazifalaridan biri hisoblanadi. Yig‘ilish yakunida doimiy komissiya raislari va deputatlarga mahallalar kesimida targ‘ibot tadbirlarini tizimli tashkil etish, aholi bilan muloqotlarni
kuchaytirish hamda biriktirilgan qonun hujjatlari ijrosi yuzasidan muntazam monitoring olib borish bo‘yicha tegishli topshiriqlar berildi.