Xalq deputatlari Uchquduq tuman Kengashining 2-“Shalxar” saylov okrugi deputati K.Narchayev hamda tuman Kengashi kotibiyati bosh mutaxassisi T.Xaydarov tomonidan hududda maishiy chiqindilarni o‘z vaqtida olib chiqib ketish holati yuzasidan monitoring o‘tkazildi.

O‘rganish davomida aholi yashash maskanlari, ko‘chalar va chiqindi to‘plash maydonchalarining sanitariya holati ko‘zdan kechirildi. Shuningdek, chiqindilarni belgilangan jadval asosida olib chiqish, hududlarning ozodaligini ta’minlash hamda sanitariya qoidalariga rioya etilishi yuzasidan mavjud holat tahlil qilindi.

Monitoring jarayonida aniqlangan ayrim kamchiliklar yuzasidan mas’ul tashkilotlar vakillariga tegishli tavsiya va ko‘rsatmalar berildi. Hududlarda tozalik va obodonlashtirish ishlarini yanada kuchaytirish, maishiy chiqindilarni o‘z vaqtida olib chiqish hamda ekologik madaniyatni yuksaltirish bo‘yicha zarur chora-tadbirlarni izchil amalga oshirish muhimligi ta’kidlandi.

Fuqarolar uchun qulay va ozoda yashash muhitini yaratish, atrof-muhit musaffoligini ta’minlash hamda sanitariya holatini yaxshilash borasidagi nazorat tadbirlari bundan buyon ham muntazam davom ettiriladi.