#Deputatlik_nazorati #Kotibiyat_hududlarda #haftalik_ish_reja_ijrosi

Deputat va fuqarolar uchrashuvi: muammolar yechimi – amaliy muloqot orqali

🇺🇿 Xalq deputatlari Uchtepa tumani Kengashiga O‘zbekiston XDPdan saylangan "25-Qo‘rg‘on" saylov okrugi deputati Xamitova Galina Gennadyevna tomonidan o‘z saylov okrugidagi Tepaqo‘rg‘on mahallasida navbatdagi fuqarolar qabuli o‘tkazildi.

📝 Qabul davomida mahalla aholisining murojaat, taklif va muammolari tinglanib, ularning yechimi yuzasidan atroflicha muhokamalar olib borildi. Jumladan fuqaro S.E. tomonidan mahalladagi 38-uy orqa tomoni hududdagi boshqaruv servis kompaniyasi tomonidan tozalanmasligi yuzasidan e'tirozli murojaat kelib tushdi.

🕯 Ushbu murojaat yuzasidan deputat mahalla raisi hamrohligida joyiga chiqib o'rgandi hamda hududdagi boshqaruv servis kompaniyasi xodimlari tomonidan masala joyida bartaraf etilib, atrof obodonlashtirildi hamda daraxt shoxlariga ishlov berilib, ozoda holatga keltirildi.

📝 Murojaatlarning bir qismi joyida hal etilib, qo‘shimcha o‘rganish talab etiladigan masalalar yuzasidan tegishli tashkilot va mutasaddilarga ko'rsatmalar berildi.

📈 Fuqarolar bilan ochiq va samimiy muloqot o‘rnatish, ularning manfaatlarini himoya qilish hamda hududdagi mavjud muammolarni tizimli hal etish deputatlik faoliyatining ustuvor yo‘nalishlaridan biri bo‘lib qolmoqda.

💼 Mazkur jarayonda xalq deputatlari Uchtepa tumani Kengashi kotibiyati bosh mutaxassisi Zarnigor Kuziyeva hamda mahalla yettiligi a'zolari ishtirok etishdi. Aholining murojaatlari doimiy e'tiborda bo‘lib, ularni ijobiy hal etish bo‘yicha amaliy ishlar izchil davom ettiriladi.