Xalq deputatlari Qo‘qon shahar Kengashi deputati R.Talipdjanov tomonidan fuqarolar murojaati asosida navbatdagi deputatlik so‘rovi yuborildi.

Deputatning "Navro‘z" mahalla fuqarolar yig‘inida saylovchilar bilan o‘tkazgan uchrashuvi davomida Alisher Navoiy mavzesi 105-uy, 21-xonadonda istiqomat qiluvchi fuqaro Musayeva Muhtasarxon yashash xonadonini ta’mirlashda amaliy yordam ko‘rsatish masalasida murojaat qildi.

Mazkur murojaat yuzasidan O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonuni talablariga muvofiq, Qo‘qon shahar "Inson" ijtimoiy xizmatlar markazi boshlig‘i J.Mirzayeva nomiga deputatlik so‘rovi yuborildi.

Deputatlik so‘rovida fuqaro Musayeva Muhtasarxonning yashash xonadonini ta’mirlash imkoniyatlarini ko‘rib chiqish, mazkur masala yuzasidan amalga oshirilayotgan ishlar hamda ta’mirlash ishlarini qachon amalga oshirish mumkinligi haqida asoslantirilgan ma’lumot taqdim etish so‘ralgan.

Mazkur masala deputat nazoratiga olingan bo‘lib, uning ijrosi yuzasidan amalga oshirilayotgan ishlar va natijalar haqida jamoatchilikka qo‘shimcha ma’lumotlar berib boriladi.

Xalq deputatlari Qo‘qon shahar Kengashi