Xalq deputatlari Shovot tumani Kengashi kotibiyat mudiri, 24-Gulshan saylov okrugi deputati Masharipov Izzat Masharipovich tomonidan "Infratuzilma va ijtimoiy barqarorlik" jamg‘armasi mablag‘lari hisobidan amalga oshirilayotgan loyihalar joyiga chiqqan holda o‘rganildi.
Monitoring davomida O‘zbekiston Respublikasi Prezidentining 2025-yil 30-yanvardagi PF–17-son Farmoni ijrosi doirasida amalga oshirilayotgan ishlar ko‘zdan kechirildi. Jumladan:
🔹 mahallalarda o‘rnatilgan videokuzatuv kameralari;
🔹 kirish-chiqish nuqtalariga joylashtirilgan yuzni hamda avtotransport vositalarining davlat raqam belgilarini aniqlovchi zamonaviy kuzatuv qurilmalari;
🔹 aholi gavjum ko‘chalarning tungi yoritish tizimini yaxshilash ishlari;
🔹 PTZ turdagi videokuzatuv kameralarining o‘rnatilish holati;
🔹 ajratilgan mablag‘larning maqsadli sarflanishi hamda bajarilgan ishlarning sifati.
Monitoring davomida loyihalarning belgilangan muddatlarda va sifatli yakunlanishi, shuningdek, ajratilgan mablag‘lardan samarali foydalanish masalalariga alohida e’tibor qaratildi.
Xalq deputatlari Shovot tumani Kengashi tomonidan ajratilgan mablag‘larning maqsadli sarflanishi hamda amalga oshirilayotgan loyihalar ustidan deputatlik nazorati izchil davom ettirilmoqda.