“Shahar yo‘lovchilar transporti to‘g‘risida”gi Qonun mazmun-mohiyati

O‘zbekiston Respublikasining 1997-yil 25-apreldagi 419-I-son “Shahar yo‘lovchilar transporti to‘g‘risida”gi Qonuni shahar hududida yo‘lovchilar tashishni tashkil etish, transport xizmatlarini ko‘rsatish hamda ushbu sohadagi munosabatlarni tartibga solishning huquqiy asoslarini belgilaydi.

Mazkur Qonunda shahar yo‘lovchilar transporti faoliyatining asosiy tamoyillari, yo‘lovchilarning huquq va majburiyatlari, tashuvchilarning mas’uliyati hamda transport xizmatlarini tashkil etish tartibi belgilab berilgan.

Qonunga muvofiq, aholiga xavfsiz, qulay va sifatli transport xizmatlarini ko‘rsatish, yo‘lovchilar tashish jarayonida harakat xavfsizligini ta’minlash hamda shahar transport tizimining samarali faoliyat yuritishini tashkil etish muhim vazifalardan biri hisoblanadi.

Shuningdek, Qonunda yo‘lovchilarning transport xizmatlaridan foydalanish huquqlari, tashuvchilarning yo‘lovchilar oldidagi majburiyatlari, transport vositalaridan foydalanish talablari hamda shahar yo‘lovchilar transportini rivojlantirish masalalari o‘z aksini topgan.

Mazkur Qonun fuqarolarning erkin va xavfsiz harakatlanishini ta’minlash, transport xizmatlari sifatini oshirish hamda shahar transport tizimini yanada takomillashtirishga xizmat qiladi.

Qonun talablariga rioya etish yo‘lovchilar xavfsizligini ta’minlash, transport xizmatlari samaradorligini oshirish va sohada qonuniylikni mustahkamlashning muhim omillaridan biridir.

Xalq deutatlari Navoiy shahar Kengashi deputati Mirzayev Javoxir Fazliddin o‘g‘li