Mirzo Ulug‘bek tumani “Al Farobiy” mahallasida Elmurod Amirov joriy yilning ikkinchi choragi davomida amalga oshirilgan ishlar, mahallaning dolzarb muammolari va ularni bartaraf etish bo‘yicha ko‘rilayotgan chora-tadbirlar yuzasidan saylovchilarga axborot berdi.

Bo‘lib o‘tgan yig‘ilishda “Al Farobiy” “mahalla yettiligi” va faollari, Xalq deputatlari Mirzo Ulug‘bek tumani Kengashi kotibiyati bosh mutaxassisi, tuman hokimligi,  “MADAD” NNT hamda tumandagi xizmat ko‘rsatuvchi kommunal xizmat vakillari ishtirok etishdi.

Shuningdek, deputatlik nazorati doirasida aholi murojaatlari bilan ishlash samaradorligini yanada oshirish, infratuzilma loyihalarini davom ettirish, ijtimoiy himoyaga muhtoj aholini qo‘llab-quvvatlashga alohida e’tibor qaratilishini ma’lum qilindi.

Uchrashuv davomida deputat fuqarolar tomonidan bildirilgan ayrim murojaatlar ijrosi yuzasidan tegishli tashkilot mutasaddilarga belgilangan vazifalarni o‘z vaqtida va sifatli ijro etish bo‘yicha tanqidiy ko‘rsatmalar berdi.

Ushbu o‘rganish tadbirlarida Xalq deputatlari Mirzo Ulug‘bek tumani Kengashi kotibiyati bosh mutaxassisi Jamoliddin Kuchkarov ham ishtirok etdi.