Ekologiya va iqlim o‘zgarishi milliy qo‘mitasi vakillari bilan hamkorlikda yashil hududlar va Deputatlar bog‘idagi obodonlashtirish ishlari o‘rganildi

⚡️ Xalq deputatlari Olmazor tumani Kengashi raisi Shaxnoza Umarxodjayeva boshchiligida O‘zbekiston Respublikasi Ekologiya va iqlim o‘zgarishi milliy qo‘mitasi Toshkent shahar Ekologiya va iqlim o‘zgarishi bosh boshqarmasi Olmazor tuman bo‘limi xodimi va kotibiyat mutaxassislari bilan hamkorlikda hududlardagi yashil maydonlar, daraxt va butalarning sug‘orilishi, parvarishlanishi hamda obodonlashtirish ishlari holatini joyiga chiqib o‘rgandilar.

🌳 Monitoring davomida Deputatlar bog‘idagi ko‘kalamzorlashtirish ishlari, sug‘orish tizimining holati, daraxt va manzarali o‘simliklarning parvarishi hamda hududning sanitariya holati ko‘zdan kechirildi. Aniqlangan kamchiliklar yuzasidan mas’ul tashkilotlarga tegishli tavsiyalar berilib, ularni bartaraf etish bo‘yicha zarur vazifalar belgilandi.

📖 Huquqiy asos:
Ushbu nazorat tadbirlari O‘zbekiston Respublikasining 1992-yil 9-dekabrdagi 754-XII-son “Tabiatni muhofaza qilish to‘g‘risida”gi Qonuni, 2013-yil 27-dekabrdagi O‘RQ–363-son “Ekologik nazorat to‘g‘risida”gi Qonuni
hamda 2016-yil 21-sentabrdagi O‘RQ–409-son “O‘simlik dunyosini muhofaza qilish va undan foydalanish to‘g‘risida”gi Qonuni talablariga muvofiq amalga oshirilmoqda.

🌱 Atrof-muhitni muhofaza qilish, yashil hududlarni asrab-avaylash, daraxt va butalarni sifatli parvarishlash hamda ekologik barqarorlikni ta’minlash borasidagi hamkorlikdagi nazorat ishlari izchil davom ettiriladi.