Xalq deputatlari Bekobod tumani Kengashiga O‘zbekiston Liberal-demokratik partiyasidan saylangan deputat N.Dusmatova Xos oilaviy shifokorlik punktida nogironligi bo‘lgan shaxslarga davlat tomonidan belgilangan imtiyozlarning amalda to‘g‘ri qo‘llanilishi holatini o‘rgandi.

O‘rganish jarayonida fuqarolarga ko‘rsatilayotgan tibbiy xizmatlar, ularga taqdim etilayotgan imtiyoz va yengilliklarning amaldagi qonunchilik talablariga muvofiqligi hamda murojaatlar bilan ishlash holatiga alohida e’tibor qaratildi.

Fuqarolarning qonuniy huquq va manfaatlarini ta’minlash, ayniqsa nogironligi bo‘lgan shaxslarni har tomonlama qo‘llab-quvvatlash deputatlik faoliyatining ustuvor yo‘nalishlaridan biri hisoblanadi.