Xalq deputatlari Bekobod tumani Kengashi raisi Y. Mo‘minova "O‘zbekiston" mahallasida mahalla yettiligi bilan uchrashuv o‘tkazdi.

Uchrashuv davomida O‘zbekiston Respublikasining 2013-yil 22-aprelda qabul qilingan “Fuqarolarning o‘zini o‘zi boshqarish organlari to‘g‘risida”gi O‘RQ-350-son Qonunining mazmun-mohiyati, uning amaliy ahamiyati hamda qonun ijrosini samarali ta’minlash masalalari yuzasidan atroflicha tushuntirishlar berildi.

Shuningdek, mahalla fuqarolarining o‘zini o‘zi boshqarish organlari faoliyatini yanada takomillashtirish, aholi bilan ochiq muloqotni mustahkamlash va qonun talablarini amaliyotga samarali tatbiq etish yuzasidan fikr almashildi.

Uchrashuv yakunida ishtirokchilarni qiziqtirgan savollarga batafsil javoblar berilib, bildirilgan taklif va mulohazalar tinglandi.