Prezident Shavkat Mirziyoyevning Gruziyaga amalga oshirgan davlat tashrifi O‘zbekiston tashqi siyosatining ochiqlik, o‘zaro ishonch va manfaatli hamkorlik tamoyillariga asoslanganining yana bir amaliy ifodasi bo‘ldi.

Tashrif davomida ikki davlat o‘rtasida strategik sheriklik munosabatlarini o‘rnatishga qaratilgan muhim kelishuvlarga erishildi. Shuningdek, savdo-iqtisodiy, transport-logistika, investitsiya, turizm, madaniyat va gumanitar sohalarda hamkorlikni yanada kengaytirish masalalari muhokama qilindi.

Mazkur tashrif O‘zbekistonning Janubiy Kavkaz davlatlari bilan do‘stona aloqalarni mustahkamlash, xalqaro transport yo‘laklarini rivojlantirish hamda mamlakatimizning iqtisodiy manfaatlarini ta’minlash yo‘lidagi muhim qadamlardan biri hisoblanadi.

Bunday yuqori darajadagi muloqotlar nafaqat ikki mamlakat o‘rtasidagi munosabatlarni yangi bosqichga olib chiqadi, balki mintaqada barqarorlik, o‘zaro ishonch va farovonlikni ta’minlashga ham xizmat qiladi.

Xalq deputatlari Tuproqqal’a tuman Kengashi raisi - kotibyat mudiri X.R.Sultonov