Aholining yashash sharoitlarini yaxshilash va hududlardagi kommunal muammolarni tezkor hal etish
maqsadida tizimli o‘rganishlar olib borilmoqda. Xususan, Xalq deputatlari Jalaquduq tuman kengashining 19-sessiyasida ko‘rib chiqilgan masalalar yuzasidan Jalaquduq tumani hokimi, tuman Kengashi deputati H.Latipov
kommunal soha tizimidagi mas’ul rahbarlar hamrohligida “Tuyalas” MFY hududidagi ko‘p qavatli uylarni ko‘zdan kechirdi. O‘rganishlar davomida uy-joylarning bugungi holati, atrof-muhitni obodonlashtirish ishlari, aholiga
ko‘rsatilayotgan kommunal xizmatlar sifati va fuqarolarga yaratilgan sharoitlar atroflicha tahlil qilindi. Mahalla
ahli uchun qulay va xavfsiz muhit yaratish maqsadida, tuman hokimi tomonidan soha mutasaddilariga aniqlangan kamchiliklarni bartaraf etish va xizmat ko‘rsatish sifatini yanada oshirish bo‘yicha qat’iy vazifalar belgilab berildi.