O‘zbekiston Respublikasi Prezidentining 2025-yil 10-sentabrdagi PQ-298-son qaroriga muvofiq Qumqo‘rg‘on tumanining “Yangiyer” mahallasi “Yangi O‘zbekiston qiyofasidagi mahalla” sifatida belgilangan bo‘lib, hududda keng ko‘lamli bunyodkorlik va obodonlashtirish ishlari izchil davom ettirilmoqda.
Xususan, aholi uchun qulay va zamonaviy sharoitlar yaratish maqsadida mahalla hududidagi istirohat bog‘ini rekonstruksiya qilish ishlari olib borilmoqda. Amalga oshirilayotgan ishlar natijasida bog‘ning zamonaviy qiyofasi shakllantirilib, fuqarolarning mazmunli hordiq chiqarishi uchun yanada qulay muhit yaratiladi.
Mazkur sa’y-harakatlar mahalla infratuzilmasini yaxshilash, hududning estetik ko‘rinishini oshirish hamda aholi farovonligini ta’minlashga xizmat qilmoqda.