«Mahalla ustozi» tizimi joriy etiladi

Xalq deputatlari tuman Kengashi raisi N. Abrarov "Nuroniy" jamg‘armasi tuman bo‘limida Keksalar maslahat guruhi a’zolari ishtirokida o‘tkazilgan muhim yig‘ilishda qatnashdi.

Yig‘ilish davomida Prezidentimiz tashabbusi bilan ilgari surilgan "Mahalla ustozi" tizimini tumanimizning barcha mahallalarida samarali joriy etish masalalari muhokama qilindi. Kengash raisi tizimni amaliyotga sifatli tatbiq etish, tajribali nuroniylarning hayotiy tajribasidan unumli foydalanish va yoshlarni vatanparvarlik, ma’naviy-axloqiy qadriyatlar ruhida tarbiyalash borasida ko‘rsatmalar berdi.

Ta’kidlanganidek, 9-iyuldan boshlab barcha mahallalarda "Mahalla ustozi" tizimi yangi yo‘riqnoma asosida to‘liq faoliyat boshlaydi. Mazkur tizim orqali tajribali nuroniylar yoshlar bilan yaqindan ishlaydi, ularga hayotiy tajribasi, bilim va maslahatlari bilan ko‘maklashib, mahallalarda sog‘lom ma’naviy muhitni yanada mustahkamlashga xizmat qiladi.