Xalq deputatlari Shovot tumani Kengashi kotibiyati mudiri I. Masharipov tomonidan fuqarolar murojaatlarini joyiga chiqib o‘rganish ishlari davom etmoqda.
Navbatdagi o‘rganish jarayonida Do‘stlik mahallasida istiqomat qiluvchi fuqaro N. Xalmetovning Xalq deputatlari Shovot tumani Kengashi kotibiyatiga yo‘llagan murojaati uning ishtirokida atroflicha ko‘rib chiqildi.
Murojaatning asosiy mazmuni mahalla ichki ko‘chalarini asfaltlashtirish masalasiga qaratilgan bo‘lib, mavjud holat joyida o‘rganildi hamda muammoning yechimi yuzasidan tegishli tartib-taomillar bo‘yicha fuqaroga huquqiy tushuntirishlar berildi.
Shuningdek, mazkur masala vakolatli tashkilotlar bilan hamkorlikda hal etish maqsadida doimiy deputatlik nazoratiga olinib, uning ijrosi yuzasidan tegishli choralar ko‘rilishi belgilandi.
🤝 Fuqarolar murojaatlari bilan ishlash, ularning muammolarini o‘z vaqtida o‘rganish va amaliy yechim topish Xalq deputatlari Shovot tumani Kengashi faoliyatining ustuvor yo‘nalishlaridan biridir.