📍 Xalq deputatlari Shovot tumani Kengashi deputati T.Yaqubov o‘z saylov okrugida bo'lib, kotibiyat xodimi U.Ruzmetov hamda ijro hokimiyati vakili D.Egamberganov bilan birgalikda tumandagi "Xitoy" mahallasida faoliyat yuritayotgan tadbirkorlik subyektlari faoliyati bilan tanishdi.
🔎 O‘rganish jarayonida korxonada energiya tejamkor texnologiyalarni keng joriy etish borasida amalga oshirilayotgan ishlar ko‘zdan kechirildi. Jumladan, tadbirkor tomonidan elektr energiyasidan oqilona foydalanish hamda ishlab chiqarish xarajatlarini kamaytirish maqsadida umumiy quvvati 50 kVt bo‘lgan quyosh panellari o‘rnatilgani o‘rganildi.
☀️ Mazkur loyiha korxonaning elektr energiyasiga bo‘lgan ehtiyojini qayta tiklanuvchi energiya manbalari hisobidan qoplash, energiya tejamkorligini oshirish hamda ekologik barqarorlikni ta’minlashga xizmat qilmoqda.
🤝 O‘rganish davomida tadbirkor bilan muloqot qilinib, muqobil energiya manbalaridan foydalanishni yanada kengaytirish, ishlab chiqarish samaradorligini oshirish hamda davlat tomonidan yaratilayotgan imkoniyatlardan samarali foydalanish masalalari yuzasidan fikr almashildi.
✅ Xalq deputatlari Shovot tumani Kengashi deputatlari tomonidan hududlarda tadbirkorlikni rivojlantirish, "yashil iqtisodiyot" tamoyillarini keng joriy etish hamda qayta tiklanuvchi energiya manbalaridan samarali foydalanish borasidagi ishlar yuzasidan deputatlik nazorati izchil davom ettirilmoqda. 🌱⚡️