Shu munosabat bilan, Xalq deputatlari Termiz shahar Kengashi raisi D.Normuradova, Kengash kotibiyati mudiri A.Ashurov, Kengash deputati S.Xodjayeva hamda kotibiyat bosh mutaxassisi R.Mamashukurovlar “Madad” nodavlat notijorat tashkiloti (NNT) Termiz shahar huquqiy maslahat byurosiga tashrif buyurib, muassasaning bugungi kundagi faoliyati bilan yaqindan tanishdilar.

💬Byuro xodimlari tomonidan aholining huquqiy muammolarini hal etish borasida tizimli ishlar amalga oshirilmoqda. Xususan, joriy yil boshidan buyon:

🟢1 379 nafar fuqaroga turli huquqiy masalalar yuzasidan malakali va bepul tushuntirishlar berilgan;

🟢151 nafar fuqaroga davlat idoralari, sudlar va boshqa tashkilotlarga taqdim etish uchun har xil turdagi ariza, shikoyat hamda murojaat loyihalarini yozib berishda amaliy va bepul yordam ko‘rsatilgan.

💬Deputatlar va mutaxassislar byuro binosida fuqarolarni qabul qilish uchun yaratilgan qulayliklar, xodimlarning ish yuklamasi hamda onlayn/oflayn huquqiy maslahat berish tizimining samaradorligini o‘rgandilar.

💬Shuningdek, aholi o‘rtasida huquqiy savodxonlikni yanada oshirish, nizoli vaziyatlarni sudgacha bo‘lgan bosqichda hal etishga ko‘maklashishda deputatlar va “Madad” NNT o‘rtasidagi hamkorlik aloqalarini mustahkamlash masalalari muhokama qilindi.

💬"Kam ta’minlangan, ijtimoiy himoyaga muhtoj va huquqiy ko‘makka muhtoj fuqarolarimizning muammolarini hal etishda 'Madad' NNT Termiz shahar byurosining o‘rni beqiyos. 1500 ga yaqin fuqaroning dardi tinglanib, ularga bepul yordam berilgani bu — adolat tantanasining amaldagi namunasidir. Biz ushbu byuro faoliyatini keng targ‘ib qilishimiz va mahallalarimizda hamkorlikda huquqiy qabullarni ko‘proq tashkil etishimiz lozim," — deya ta'kidladi Kengash raisi.

🫥O‘rganishlar yakunida mahallalarda aholining huquqiy madaniyatini oshirish bo‘yicha hamkorlik rejasini ishlab chiqish hamda byuro faoliyatini yanada qo‘llab-quvvatlash chora-tadbirlari belgilab olindi.