Navbatdagi sessiya masalalari deputatlik nazoratida o‘rganilmoqda

📂 Xalq deputatlari Uchtepa tumani Kengashining navbatdagi sessiyasida ko‘rib chiqilishi belgilangan masalalar yuzasidan deputatlar tomonidan amaliy o‘rganish ishlari amalga oshirilmoqda.

🇺🇿 Jumladan, Kengashning agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi tomonidan Uchtepa tumani Ekologiya, atrof-muhitni muhofaza qilish va iqlim o‘zgarishi inspeksiyasining joriy yilning o‘tgan davridagi faoliyati, ekologik nazoratni kuchaytirish, fuqarolar murojaatlarini o‘z vaqtida va sifatli ko‘rib chiqish hamda sohaga oid dolzarb masalalar yuzasidan amalga oshirilgan ishlar tanqidiy-tahliliy ruhda muhokama qilindi.

💼 Ushbu o'rganishda Kengash deputatlari Saodat Malikova, Saodat Dusmuxamedova, Kengash kotibiyati bosh mutaxassislari Umidbek Abilov, Zarnigor Kuziyeva hamda Uchtepa tumani Ekologiya, atrof-muhitni muhofaza qilish va iqlim o‘zgarishi inspeksiyasi boshlig'i Xojiakbar Miraxmedov va inspektorlari ishtirok etishdi.

📁 O'rganish yakunida ko'rib chiqilgan masalalar, ekologik qonunchilik ijrosini ta’minlash, aholi bilan ochiq muloqotni kuchaytirish hamda inspeksiya faoliyati samaradorligini oshirishga qaratilgan tegishli tavsiya va takliflar ishlab chiqilib, murojaatlar yuzasidan ishchi guruh bilan birgalikda joyiga chiqib o'rganish hamda masalani Kengash sessiyasida ko‘rib chiqish belgilandi.