KO‘CHABOSHILARI BILAN UCHRASHUVDA QONUN MAZMUN-MOHIYATI TUSHUNTIRILDI VA FUQAROLAR FIKRLARI
O‘RGANILDI

Xalq deputatlari Quva tuman Kengashi deputati M.Rahimov, tuman Kengashi
kotibiyati bosh mutaxassisi M.To‘xtasinov hamda “MADAD” nodavlat
notijorat tashkilotining Quva tuman vakili X.Qodirov ishtirokida Namuna
mahalla fuqarolar yig‘inining Paxtaobod qishlog‘idagi ko‘chaboshilar
(oqsoqollar) bilan uchrashuv tashkil etildi.

Uchrashuv davomida ishtirokchilarga O‘zbekiston Respublikasining 2016-yil
26-dekabrda qabul qilingan “Keksalar, nogironligi bo‘lgan shaxslar va aholining
boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi
O‘RQ–415-son Qonunining mazmun-mohiyati, unda belgilangan huquq va kafolatlar, ijtimoiy
xizmatlarni tashkil etish tartibi hamda ehtiyojmand fuqarolarni davlat
tomonidan qo‘llab-quvvatlash mexanizmlari haqida atroflicha tushunchalar
berildi.

Shuningdek, uchrashuv davomida Xalq deputatlari Quva tuman Kengashining
navbatdagi sessiyasi kun tartibiga kiritilishi rejalashtirilgan “Farg‘ona
tozalik sanitar servis” MChJ Quva tuman filiali tomonidan mahallalarda
sanitariya-tozalik xizmatlarini tashkil etish holati to‘g‘risidagi masala
yuzasidan ham fuqarolarning fikr va takliflari o‘rganildi. Aholi tomonidan
chiqindilarni o‘z vaqtida olib chiqish, sanitariya texnikasi harakat jadvaliga
rioya etilishi, xizmatlar sifati va qamrovini yanada yaxshilash bo‘yicha bir
qator takliflar bildirildi.

Uchrashuvda bildirilgan taklif va mulohazalar umumlashtirilib, ularni xalq
deputatlari Quva tuman Kengashining navbatdagi sessiyasida ko‘rib chiqiladigan
masalalarni muhokama qilish jarayonida inobatga olish yuzasidan tegishli
choralar ko‘rilishi ta’kidlandi. Aniqlangan kamchiliklar “Deputatning ko‘cha
o‘rganish daftari”ga qayd etilib, bartaraf qilinishi nazoratga olindi.