Murojaatda Katta Qo‘rg‘on MFY hududidagi Firdavsiy va Panjob ko‘chalari kesishmasida joylashgan TP-252 transformator punkti uzoq yillardan buyon ortiqcha yuklama ostida ishlayotgani, buning oqibatida elektr ta’minotida muntazam uzilishlar yuzaga kelayotgani hamda mazkur holat mahalla aholisining haqli e’tirozlariga sabab bo‘layotgani qayd etilgan.

Deputatlik so‘rovida:
transformator punktining texnik holatini joyiga chiqib o‘rganish;
noqonuniy elektr tarmoqlariga ulanish holatlarini aniqlash va bartaraf etish;
zarurat tug‘ilganda transformatorni yuqori quvvatlisiga almashtirish;
aholini uzluksiz va sifatli elektr energiyasi bilan ta’minlash yuzasidan amaliy choralar ko‘rish masalalari ilgari surildi.

 Shuningdek, amalga oshirilgan ishlar va qabul qilingan qarorlar yuzasidan amaldagi qonunchilikda belgilangan muddatlarda yozma javob taqdim etish so‘raldi.

Fuqarolarning murojaatlariga o‘z vaqtida munosabat bildirish, ularning muammolariga qonuniy yechim topish hamda deputatlik nazoratini samarali amalga oshirish Xalq deputatlari Samarqand shahar Kengashi deputatlarining ustuvor vazifalaridan biridir.