Deputatlar nazorati: PF-71-son Farmoni ijrosi o‘rganildi

O‘zbekiston Respublikasi Prezidentining 2025-yil 21-apreldagi “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida”gi PF-71-son Farmoni ijrosini ta’minlash maqsadida Xalq deputatlari O‘rta Chirchiq tumani Kengashi tomonidan nazorat tadbiri o‘tkazildi.

Shu munosabat bilan Xalq deputatlari O‘rta Chirchiq tumani Kengashi raisi R.Djumanova, kotibiyat mudiri B.Baxovadinov hamda deputatlar K.Djumanazarova va D.Zulyarovalar ishtirokida Kadastr agentligining O‘rta Chirchiq tumani bo‘limida o‘rganish ishlari olib borildi.

O‘rganish davomida bo‘lim boshlig‘i o‘rinbosari bilan uchrashuv tashkil etilib, Prezident Farmonida belgilangan vazifalar ijrosi yuzasidan amalga oshirilayotgan ishlar muhokama qilindi. Xususan, korrupsiyaning oldini olish, xizmat ko‘rsatish jarayonlarida ochiqlik va shaffoflikni ta’minlash, fuqarolarga davlat xizmatlarini sifatli va tezkor ko‘rsatish, shuningdek, jismoniy va yuridik shaxslarning murojaatlari bilan ishlash tizimini takomillashtirish borasidagi chora-tadbirlar yuzasidan fikr almashildi.

✅Xalq deputatlari O‘rta Chirchiq tuman Kengashi kotibiyati axborot xizmati!