Xalq deputatlari Qo‘qon shahar Kengashi raisi O‘.Tojiyeva hamda Kengash kotibiyati mudiri A.Nosirov tomonidan Qo‘qon shahar Axborot-kutubxona markazida tashkil etilayotgan Book cafe faoliyati va unda olib borilayotgan ta’mirlash ishlari bilan yaqindan tanishildi.

O‘rganish davomida Book cafe uchun ajratilgan binoda amalga oshirilayotgan ta’mirlash ishlari, ichki va tashqi bezatish jarayonlari, kitobxonlar uchun yaratilayotgan qulay sharoitlar hamda zamonaviy kutubxona muhitini shakllantirishga qaratilgan ishlar ko‘zdan kechirildi.

Xususan, mazkur maskanda yoshlar va kitobxonlarning mazmunli dam olishi, mutolaa madaniyatini rivojlantirish, kitobxonlikni keng targ‘ib etish hamda ma’naviy-ma’rifiy tadbirlarni o‘tkazish uchun yaratilayotgan imkoniyatlar yuzasidan mas’ullar bilan fikr almashildi.

Shuningdek, ta’mirlash ishlarini belgilangan muddatlarda sifatli yakunlash, Book cafe faoliyatini zamonaviy talablar asosida yo‘lga qo‘yish hamda tashrif buyuruvchilar uchun yanada qulay sharoitlar yaratish bo‘yicha tegishli tavsiya va takliflar bildirildi.

Xalq deputatlari Qo‘qon shahar Kengashi