Qonun ijrosi yuzasidan o‘rganish olib borildi

Xalq deputatlari Qiziriq tumani Kengashi kotibiyati bosh mutaxassisi A.Mamarajabov tuman Kengashining navbatdagi sessiyasi kun tartibiga kiritilgan ichimlik suvi va issiq suv ta’minoti holati, xususan, energiyani tejovchi texnologiyalardan foydalanish hamda energiya samaradorligini oshirish masalalarini o‘rganish maqsadida tuman hokimligining Qurilish bo‘limiga tashrif buyurdi.

Tashrif davomida hududlarda ichimlik suvi ta’minotini yaxshilash, muhandislik-kommunikatsiya infratuzilmasini rivojlantirish, energiya tejamkor texnologiyalarni joriy etish hamda amalga oshirilayotgan qurilish va rekonstruksiya ishlari yuzasidan mavjud holat bilan yaqindan tanishildi.

Shuningdek, "Ichimlik suvi ta’minoti va oqova suvlarni chiqarib yuborish to‘g‘risida"gi O‘zbekiston Respublikasining Qonuni (O‘RQ–784-son, 2022-yil 22-iyul) ijrosi yuzasidan tayyorlangan savolnoma asosida qonun talablarining amaliy ijrosi, amalga oshirilayotgan ishlar, mavjud muammolar hamda ularni bartaraf etish bo‘yicha ko‘rilayotgan choralar o‘rganildi.

O‘rganish yakunida aniqlangan holatlar yuzasidan mas’ullar bilan fikr almashilib, qonun ijrosini samarali ta’minlash, ichimlik suvi ta’minoti sifatini yanada yaxshilash hamda energiya samaradorligini oshirishga qaratilgan ishlarni jadallashtirish yuzasidan tegishli taklif va tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram