💬Kun tartibiga muvofiq, Yig‘ilishda komissiya a’zolari tomonidan Surxondaryo viloyati Sanitariya-epidemiologik osoyishtalik va jamoat salomatligi boshqarmasi boshlig‘i A.N.Mustanovning 2026-yil 30-iyundagi 01-15/1234-2191-sonli xati atroflicha muhokama qilindi.

💬Muhokamalar davomida mazkur murojaatda ko‘tarilgan masalaning mazmun-mohiyati, uning aholi xavfsizligini ta’minlashdagi ahamiyati yuzasidan fikr va mulohazalar bildirildi.

💬Deputatlar tomonidan ta’lim muassasasida sanitariya-gigiyena talablariga to‘liq rioya etilishi, xavfsizlik choralarini kuchaytirish, mas’ul tashkilotlar o‘rtasidagi hamkorlikni yanada takomillashtirish hamda muammoni bartaraf etish bo‘yicha aniq takliflar ilgari surildi.

💬Shuningdek, masalani amaldagi qonunchilik talablariga muvofiq hal etishda tegishli idoralar faoliyatining samaradorligini oshirish yuzasidan tavsiyalar berildi.

🫥Yig‘ilish yakunida kun tartibidagi masala yuzasidan doimiy komissiyaning tegishli qarori qabul qilinib, belgilangan vazifalarning ijrosini ta’minlash bo‘yicha mas’ullarga topshiriqlar berildi.