Sessiya muhokamasiga kiritiladigan masalalar tahlil qilindi

🔹 Xalq deputatlari tuman Kengashining navbatdagi sessiyasi kun tartibiga kiritilishi rejalashtirilgan masalalar yuzasidan Kengash huzuridagi Ekspert guruhi a’zolari, Kengash kotibiyati mudiri M.Turopova hamda bosh mutaxassisi N.Abraxmatovlar ishtirokida atroflicha o‘rganish ishlari amalga oshirildi.

🔹 O‘rganishlar davomida kun tartibiga taklif etilayotgan har bir masalaning huquqiy asoslari, ijtimoiy-iqtisodiy ahamiyati, amaliy natijalari hamda kutilgan samaradorligi tahlil qilindi. Shuningdek, sohalar kesimida mas’ul tashkilotlar tomonidan taqdim etilgan axborot va tahliliy materiallar ko‘rib chiqilib, mavjud muammolar hamda ularni bartaraf etish yuzasidan taklif va tavsiyalar ishlab chiqildi.

🔹 Ekspert guruhi muhokamalari yakunlariga ko‘ra, sessiya kun tartibiga kiritilishi rejalashtirilgan masalalar belgilangan tartibda ko‘rib chiqish uchun tayyor ekani qayd etildi. Bildirilgan taklif va mulohazalar asosida tegishli qaror loyihalari yanada takomillashtirilib, xalq deputatlari tuman Kengashining navbatdagi sessiyasi muhokamasiga kiritish tavsiya etildi.