DEPUTAT SO‘ROVI YUBORILDI

Xalq deputatlari Uzun tumani Kengashi deputati Bakiyev Abdumasad Qayumovich (2-Shodlik saylov okrugi) tomonidan hududdagi dolzarb muammolarni hal etish chorasi ko‘rilmoqda.

So‘nggi kunlarda “Bahoriston” mahallasi aholisi tomonidan suyultirilgan gaz ballonlarining o‘z vaqtida yetkazib berilmayotganligi yuzasidan deputat nomiga ko‘plab haqli e’tirozlar va murojaatlar kelib tushdi.

Aholi ehtiyojlarini hisobga olgan holda hamda muammoni qisqa muddatlarda bartaraf etish maqsadida, deputat A.Q.Bakiyev tomonidan “Surxondaryo hududgaz ta’minoti” AJ Uzun tuman hududgaz ta’minoti filiali boshlig‘i X.Turdiyevga rasmiy DEPUTAT SO‘ROVI yuborildi.

Xalq vakili sifatida saylovchilarimizning har bir murojaati va e’tirozi e’tiborimiz markazida. Mazkur masalaning ijrosi deputat tomonidan qat’iy nazoratga olindi.

Muammo yuzasidan mutasaddi tashkilotning javobi va amalga oshirilgan ishlar haqida qo‘shimcha ma’lumot beriladi.